الثلاثاء، 10 يناير، 2012

** بحبـــــــــــــــك **



كل الدنيا تقسي عليا انا راضي

واشوف احلامي بتتحطم بأيديا برضو عادي

بس بعدك انتي عني "إعلان وفاتي "

ياما بكيتك كتير وفكل مرة كنتٍ بتصالحيني

ساعتها كنت اعاند اكتر ما انا عارفة بتحبيني

كنت ادلع قد ما اقدر واشوف غلاوتي في عنيكي

كنت بغير من اي كلمة اي نظرة لحد غيري

و اجي اقولك ابعدي عني سيبيني "انتي مش بتحبيني"

عشان تقومي جري تحضنيني

وبتحضنيني !!!

كنتي بتفهميني وعمرك ما للحزن رميتيني

عرفت دلوقت قد ايه بتحبيني

وعرفت ان حبك ليا غير !! زي عشق السماء للطير

كنت ببعد عنك كتير وانساكي وانشغل بالغير

واما الدنيا تيجي عليا لحضنك ارجع اطير

والاقيكي زي ما انتي مستنياني بتلوميني عالتأخير

حبيبتي انا جمبك دلوقت يا رب ما يكون فات الوقت

مش هتسيبني .. هتفضلي جمبي.. هتضميني

بحـــــبك سامحيني . 

ليست هناك تعليقات:

إرسال تعليق

الكاتبة

المتابعون