الأربعاء، 20 يناير 2016




رغم الجراح القلب لسه فيه براح يساع لظلمك 
والضحكة مرسومة بآنين الذكريات 
والهجر جميل لا عتاب ولا شكوي 

السبت، 6 أبريل 2013

مخيفة هي سرعة الأيام


مخيفة هي سرعة الأيام



لأول مرة أأتي إليك لأشكو بين يديك خوفي من الغد
فلا تطمئن خوفي !! ولا تمحو كعادتك آلمي
لأول مرة أراك تخاف الزمن ,فقد كنت دائما من يسابقه !!

لم اصدق إنني سأري إنكسارك يوما !!
لا ...لا استوعب تلك النظرة في عينيك

لازالت اذكر حينما حملتك الأيام هموما لم تعتدها
هموم جعتلك تخافها !! تخاف من ركضها
لكنك ابدا لم تركض خلفها ..!!

اذكر حينها أنك امسكت بيدي لتخبرني أنك تخــاف سرعة تلك الأيام !!

وبدأت تحكي بشغف عن قصة حبنا عن لقائنا الأول كنت تتحدث كما لو أنك طفل صغير فرحٌ بأولي كلماته

نعم فحينما ضممتني لتقل لي "احبك" كنت تتلعثم بها كطفل صغير ينطق أولي كلماته

آآه لكم احببت أن أنصت إليك وأنت تتحدث

لم انسي تلك الآمال والأحلام التي كانت تعانق كلماتك دوما

أين اختفت !! لما تبدلت !! قلي لي لماذا تبدو شخص اخر لم اعتده

شخصٌ لا اجد به روحا ولا دفئا ولا قلبا!!

لا .. لم تعد تشبهه ابداا قد كان طموح لا يغلبه حزنا

وقمرا لا تطفئه شمسااااااااااا وقلبا لا يشبهه نبضاا

حبيي ارجوك عد لقلبي طفلااااااااا

فأنتا .. انت لست كهلااااااااا ..امسك بيدي احتضنها جيدا

ودعني نمضي فلا يعكر صفو اياما حزنا

ألست انت القائد انت المتحكم في سرعة الأيام

دع اليأس وابتسم تضحك لك الأحلااااام..

الأحد، 23 ديسمبر 2012

(الحب واللامبالاة )!!

(الحب واللامبالاة )!!

كلنا فاكرين أن الحب عكسه الكره !! لا الحب مش عكسه الحب لكن اللامبالاة ..

اللي بيكره إنسان بيكون جواه مشاعر تجاه وده عالأقل بيضمن استمرار التفكير فيه
وممكن نفس مشاعر الكره دي تتحول لحب

زي المثل ما بيقول (ما محبة إلا بعد عداوة ..)

إما الإنسان اللي مش بيفكر فيك فهو مش جواه أي مشاعر تجاهك وبالتالي ملكش أي قيمة عنده ولا يبالي بوجودك !!

وكمان في مثل أجنبي بيقول ""معكوس الخير ليس الشر إنما أللامبالاة"".

البعض بيقول أن اللامبالاة سببها تقريبا لما تحس انك بتعمل مجهود وبتبذل أقصى ما عندك بكل قوة وثقه ومش لاقي أي نتيجه ولا محصول لتعبك ده ولا بتلاقي دعم معنوي من اللي حوليك ومع تزايد الضغوط والمشاكل مبتبقاش قادر إنك تتحمل وبتفقد الثقة بقدرتك على العطاء حتي لو كان معنوي !!

وفي آراء تانية بتقول أن الملل كمان له دور كبير لما تحس انه الحياة ملهاش قيمة ومبقاش في حاجة تستحق
ده في حد ذاته بيفقدك الثقة في نفسك

كمان انعدام الأمان و الصدماااااات والاحباطات بتضطر الإنسان انه لا يبالي بعد كده عشان يقدر يواصل حياته

لكن المشكلة لو اللامبالاة زادت عن حدها هتنعكس على اللي حولينا بشكل سلبي جداا !!

طب أي رأيكم في أن اللامبالاة دي مرض!!

ايوه زيها زي أمراض كتير انتشرت في مجتمعاتنا

البعض بيفسر اللامبالاة علي إنها فوضى وعدم الاهتمام، و كسل، وفي بعض الأحيان أنانية،

وبيربطوها بمناصب كتير وطبقات كتير فالمجتمع

.. تعالوا بينا نتعرف علي اللامبالاة في مجتمعنا وخيلنا نبدأ من جوه البيت

عادات كتير جوه البيت العربي عموما بقا مش بس المصري بنحس أنها فيها لا مبالاة بارزة جدا

العزلة ممكن تكون لامبالاة !! ايوه لما نفضل طول الوقت لوحدنا

ناكل لوحدنا ونعيش معزولين عن اقرب الناس لينا بمنتهي اللامبالاة لمشاعرهم

أو حتي لاحترام كيان الأسرة اللي ممكن تكون في أمس الحاجة لوجودنا !!

يا تري إزاي نعالج شعور اللامبالاة عند البعض ؟؟

بالتأكيد لازم بالتوعية أول شيء لازم كل إنسان يكون عارف

أن العلاقات الإنسانية أساسها الثقة المتبادلة بين الأفراد

والاهتمام بالغير واهتمام الغير بينا هو اللي بيولد شعور الارتياح

والثقة والأمان وبيعمق الروابط بين المحيطين بينا

واللامبالاة عكس ده تماما يعني عدم الاهتمام بيعمل برود وجمود في المشاعر

بتوصلنا للامبالاة وفي بعض الأوقات لأمراض نفسية كتيرة!!

لما الإنسان بيهتم بإنسان تاني أو حيوان بيحط كل تركيزه وانتباهه ووقته , علي الرغم إن مش دايما التركيز بيكون معناه اهتمام أو حتي نابع من نية طيبة !!
ممكن يكون نابع من نية سيئة لكننا أتعودنا علي أن كلمة
(اهتمام بتولد مشاعر طيبة وايجابية )..

نيجي دلوقت للحب بقا اتكلمنا كتير عن اللامبالاة

في رأي بيقول "الحب ما هو إلا جرعة مكثقة من الأهتمام "

الاهتمام يعني الحب دايما نلاقي الشخص المحبوب هو الشخص اللي بيكون حوليه اهتمام الناس اللي بيحبهم , وحتي الناس اللي ميعرفهمش !!

الحب يعني العطف والحنان وهنلاقي الأطفال بشكل خاص اكتر فئة بتكون محتاجة للنوع ده من الاهتمام .

أما الكبار فتأكد أن الاهتمام بيهم بيخليهم مشحونين بطاقة إيجابية كبيرة أووي وبيكون تحصين ليهم من أي مشاعر سلبية من ضيق أو حزن ممكن تحيط بيهم ..

طب ما تيجو نشوف اللامبالاة في الحب

أحيانا بنلاقي طرف بيحب بجنون والتاني بيبادله نفس الشعور

وفجأة طرف منهم بيكون مهتم أووي والتاني بيقابل اهتمامه ده بلامبالاة غريبة !!

ممكن يكون السبب في ده موت الآحآسيس اللي بيخلي فيه تبلد فالمشاعر وبتبقي مجبرة علي الصمت و عدم الاهتمام وفي بعض الأوقات الابتعاد كمان !!

فعلا شيء غريب طب أي اللي ممكن يوصل للامبالاة في الحالة دي بقا ؟

اللامبالاة هنا ممكن تكون بسبب إن الطرفين بقو قريبين من بعض جدا فبقت العلاقة روتينية فالتعود وضمان الوجود طول الوقت !! ده اللي بيخلي طرف منهم يحس بأن متبلد المشاعر ناحية اللي بيحبه وممكن تلاقيه بيدور علي حب تاني أو حاجة تانية مختلفة عند غيره !! ومع ذلك يبقي مستمر في حبه الأول لكن دون مشاعر وبالتالي يبقي واحد منهم بيدي منغير حدود والتاني بياخد ببرود!!

فعلا ده حقيقي وبيحصل كتير لكن عشان كلنا نستمتع بحياتنا لازم نتخلص من شعور اللامبالاة ونعمق روابط المحبة بينا وبين المحيطين بينا ولازم نكون عارفين أن الحياة مش ممكن تكون ممكنة من غير عطف أو اهتمام أو مساعدة متبادلة وزي ما بنقول بالبلدي كده الحياة (خد وهات ) لو كلنا عرفنا قيمة الاهتمام ببعض مش هيكون بينا إنسان لا مبالي أو فاقد للاهتمام ومعزول عننا ..

(قلوب وعقول )

(قلوب وعقول )

القلب يطلب والعقل يرفض !!

كتير بيقولوا العقل بيحب لكن بهدوء وتفكير وحب العقل ثابت صعب يتغير

إنما القلب بيعشق عشان كده بيوصل الحب بالقلب لدرجة الجنون لأنه عكس العقل !!

بس قوة الحب في إنك تحب بعقل ويمكن هو ده الحب الصادق اللي مش بيموت ابدا !!

وفي آراء تانية قسمت الحب لقبل وبعد وقالت :-

"ان القلب سيد الحب قبل الزواج ,والعقل هو سيد الحب بعد الزواج "

و آراء تانية بتقول العقل والقلب متلازمين منغير العقل القلب ميت !! ومش هيدرك أي شيء حوليه !!

وده في كل المجالات مش بس فالحب

بمعني ان القلب ما هو الا شيء صغير بيتحكم فيه وفي تحريكه العقل

فلو صلح العقل هيصلح القلب ولو فسد العقل هيفسد القلب وبالتالي الجسد كله !!
وفي آراء تانية بتقول لما تحب شخص وتعجب بيه لازم تكون في محركات معينة للحب ده ومن أهمها "العقل " واللي بيحدد استيعابه وتقبله من عدمه !!

وناس تانية بتقول "لو لم يتفق القلب والعقل معا علي الحب فده مينفعش نطلق عليه حب"

**

العقل والقلب يا تري ايهم اقرب تأثيرا لقراراتكم ؟

بتذكرني هنا مقولة لأرسطو بيقول فيها (إذا خدع العقل خدع بالضروة القلب )

وقال كمان خداع العقل من الممكن انه يشفي بعد مدت طالت أوقصرت !!

لكن خداع القلب جروحه عميقة جدا ولا يشفي منها القلب ابدا !!

ويمكن ده اللي بيفسر تفكير البعض بعقلهم وفالغالب بنلاقي العقل حذر جدا قبل ما يورط القلب معاه في جرح ..

وده بيخلينا نسئل سؤال غريب بعض الشيء

العقل مكانه "القلب ولا الدماغ "

البعض قالوا مكانة القلب
لأن الله تعالى يقول( أفلم يسيروا في الأرض فتكون لهم قلوب يعقلون بها أو آذان
يسمعون بها فإنها لا تعمى الأبصار ولكن تعمى القلوب التي في الصدور ) >>سورة الحج
(قلوب يعقلون بها ) ,:( تعمى القلوب التي في الصدور) إذاَ العقل في القلب , والقلب في الصدر

بيقي العقل في القلب.!!

طيب تعالوا نشوف رأي المختلفين وقالوا ايه عن "القلب والعقل"

البعض قال أن العقل في الدماغ لأن الإنسان إذا أختل دماغه اختل تصرفه ولو بصينا
لشخص يشيل قلبه لمرض وبيتزرع له قلب جديد وبنلاقي عقله وتفكيره لا يختلف عقله وتفكيره هو الأول ..!

وبنلاقي إنسان يزرع له قلب شخص مجنون , ويبقى الشخص اللي زرع فيه القلب عاقل..!

طب منشوف رأي الطب في الموضوع ده

يا تري وقف في صف مين ؟؟

ذكر في كتاب the 60 second organizer"

وده طبعا للكاتب Jeff Davidson

قال فيه وباختصار تم اكتشاف "مخ في القلب" ويتألف من أربعين ألف وحده عصبيه من أنواع متعددة , بالإضافة إلى شبكة معقدة من الناقلات العصبية , والبروتينات والخلايا الدعامية , وهو يؤدي دوره بشكل مستقل عن المخ .

وقال : إن مخ القلب بيبلغ حجمه حجم مناطق أساسيه عديدة في المخ المفكر كما انه متطور , وممكن يكفي إنه يعتبر مخا مستقلاًَ بذاته .

أما ضربات القلب فهي مجرد نبضات بتضخ الدم بشكل ميكانيكي , و لها لغة ذكيه بتأثر على إدراكنا وردود أفعالنا تجاه العالم . كل دقة قلب مرتبطة بالمخ المفكر وبتأثر على فرعي الجهاز العصبي اللاإرادي وكمان بتأثر باستمرار على إدراكنا ووعينا .

معلومة غريبة فعلا بس لو لاحظنا هنلاقيها بتأكد كلام الآية القرآنية

سبحان الله

الجمعة، 21 ديسمبر 2012

كل الحروف ماتت ..

يا اللي بنيت حياتك علي كلمة !!

أدي الحروف ماتت

وراحت خلاص الكلمة وابتسامتك معاها غابت

ربطت حياتك ليه علي كلمة !!

ده كل الحروف ماتت ..~

الجمعة، 5 أكتوبر 2012

احبك

لو كان جمال صورتي في اعينهم علي حساب  بهتانك

 فسأمزق صورتي ولتبقي انت نجم في مكانك ..~

الخميس، 4 أكتوبر 2012

محتاج قلبك يضمني

نفسي لما اضحك مخافشي
ونفسي زماني فيا ميجرحشي
ونفسي اغمض واحط ايدي علي كتفك وامشي
مطمن وحاسس إنك لغيري مهتكونشي
مكنش قصدي اسيبك وامشي
ولا قصدي عنيا من دموعي متنشفشي
بس خايف آه والله خايف
نفسي انسي الدنيا في حضنك
بس سامع صوت جوايا بيقلي متحلمشي

فهمتني محتاج قلبك يضمني ويقلي متخفشي ..

الكاتبة

المتابعون