(قلوب وعقول )

(قلوب وعقول )

القلب يطلب والعقل يرفض !!

كتير بيقولوا العقل بيحب لكن بهدوء وتفكير وحب العقل ثابت صعب يتغير

إنما القلب بيعشق عشان كده بيوصل الحب بالقلب لدرجة الجنون لأنه عكس العقل !!

بس قوة الحب في إنك تحب بعقل ويمكن هو ده الحب الصادق اللي مش بيموت ابدا !!

وفي آراء تانية قسمت الحب لقبل وبعد وقالت :-

"ان القلب سيد الحب قبل الزواج ,والعقل هو سيد الحب بعد الزواج "

و آراء تانية بتقول العقل والقلب متلازمين منغير العقل القلب ميت !! ومش هيدرك أي شيء حوليه !!

وده في كل المجالات مش بس فالحب

بمعني ان القلب ما هو الا شيء صغير بيتحكم فيه وفي تحريكه العقل

فلو صلح العقل هيصلح القلب ولو فسد العقل هيفسد القلب وبالتالي الجسد كله !!
وفي آراء تانية بتقول لما تحب شخص وتعجب بيه لازم تكون في محركات معينة للحب ده ومن أهمها "العقل " واللي بيحدد استيعابه وتقبله من عدمه !!

وناس تانية بتقول "لو لم يتفق القلب والعقل معا علي الحب فده مينفعش نطلق عليه حب"

**

العقل والقلب يا تري ايهم اقرب تأثيرا لقراراتكم ؟

بتذكرني هنا مقولة لأرسطو بيقول فيها (إذا خدع العقل خدع بالضروة القلب )

وقال كمان خداع العقل من الممكن انه يشفي بعد مدت طالت أوقصرت !!

لكن خداع القلب جروحه عميقة جدا ولا يشفي منها القلب ابدا !!

ويمكن ده اللي بيفسر تفكير البعض بعقلهم وفالغالب بنلاقي العقل حذر جدا قبل ما يورط القلب معاه في جرح ..

وده بيخلينا نسئل سؤال غريب بعض الشيء

العقل مكانه "القلب ولا الدماغ "

البعض قالوا مكانة القلب
لأن الله تعالى يقول( أفلم يسيروا في الأرض فتكون لهم قلوب يعقلون بها أو آذان
يسمعون بها فإنها لا تعمى الأبصار ولكن تعمى القلوب التي في الصدور ) >>سورة الحج
(قلوب يعقلون بها ) ,:( تعمى القلوب التي في الصدور) إذاَ العقل في القلب , والقلب في الصدر

بيقي العقل في القلب.!!

طيب تعالوا نشوف رأي المختلفين وقالوا ايه عن "القلب والعقل"

البعض قال أن العقل في الدماغ لأن الإنسان إذا أختل دماغه اختل تصرفه ولو بصينا
لشخص يشيل قلبه لمرض وبيتزرع له قلب جديد وبنلاقي عقله وتفكيره لا يختلف عقله وتفكيره هو الأول ..!

وبنلاقي إنسان يزرع له قلب شخص مجنون , ويبقى الشخص اللي زرع فيه القلب عاقل..!

طب منشوف رأي الطب في الموضوع ده

يا تري وقف في صف مين ؟؟

ذكر في كتاب the 60 second organizer"

وده طبعا للكاتب Jeff Davidson

قال فيه وباختصار تم اكتشاف "مخ في القلب" ويتألف من أربعين ألف وحده عصبيه من أنواع متعددة , بالإضافة إلى شبكة معقدة من الناقلات العصبية , والبروتينات والخلايا الدعامية , وهو يؤدي دوره بشكل مستقل عن المخ .

وقال : إن مخ القلب بيبلغ حجمه حجم مناطق أساسيه عديدة في المخ المفكر كما انه متطور , وممكن يكفي إنه يعتبر مخا مستقلاًَ بذاته .

أما ضربات القلب فهي مجرد نبضات بتضخ الدم بشكل ميكانيكي , و لها لغة ذكيه بتأثر على إدراكنا وردود أفعالنا تجاه العالم . كل دقة قلب مرتبطة بالمخ المفكر وبتأثر على فرعي الجهاز العصبي اللاإرادي وكمان بتأثر باستمرار على إدراكنا ووعينا .

معلومة غريبة فعلا بس لو لاحظنا هنلاقيها بتأكد كلام الآية القرآنية

سبحان الله

كل الحروف ماتت ..

يا اللي بنيت حياتك علي كلمة !!

أدي الحروف ماتت

وراحت خلاص الكلمة وابتسامتك معاها غابت

ربطت حياتك ليه علي كلمة !!

ده كل الحروف ماتت ..~

احبك

لو كان جمال صورتي في اعينهم علي حساب  بهتانك

 فسأمزق صورتي ولتبقي انت نجم في مكانك ..~

محتاج قلبك يضمني

نفسي لما اضحك مخافشي
ونفسي زماني فيا ميجرحشي
ونفسي اغمض واحط ايدي علي كتفك وامشي
مطمن وحاسس إنك لغيري مهتكونشي
مكنش قصدي اسيبك وامشي
ولا قصدي عنيا من دموعي متنشفشي
بس خايف آه والله خايف
نفسي انسي الدنيا في حضنك
بس سامع صوت جوايا بيقلي متحلمشي

فهمتني محتاج قلبك يضمني ويقلي متخفشي ..

.. ♥الرضا ♥ ..

الرضا مش كلمة هترددها ويبقي انتا كده بتعمل بيها !!

لا الرضــا ♥ فعل ♥ اقتناع ♥ إيمان ♥ وحب ♥

ارضي بس وهتلاقي الصبر ضهرك والابتسامة عنوانك

وفالوقت اللي الناس كلها مستنياك بشماته تقع

هتلاقي ربنا رفع من تاني شأنك وخيب كل الظنون

وده عشان انتا رضيت ووثقت برب الكون ♥ ..

.. ♥ ♥ ..

.. جرب ..

جرب كده متحقدش طب متكرهش

متقلش اصل فلان نيته تؤ تؤ اصلا انتا لــ"نيته" متعرفش

جرب كده لما تغلط تعتذر متتفلسفش :D

متسئش الظن وترجع تمثل محبتك ومتلومنيش لو مصدقتكش !!

طب جرب فمرة متكابرش متحسدش متبصش للي في ايد غيرك ومتظلمش !!

ويا ريت كمان لو متكذبش لما تشوف اتنين متخانقين

جرب تصلح بينهم متوقعش وفي النار اللي والعة متنفخش !!

ولما تتحمق كده من حد كان صاحبك يا ريت بعيوبه متتاجرش !!

!!!!!!!!!

مهما كان قرب إنسان ليك مستحيل يبقي مرايتك

ولو عرف شكلك من بعيد
مش بعيد يكون جاهل باللي داخلك

مفيش حد هيفهمك زي نفسك

ولو اتحيطيت مرة في موقف غويط
متقلش اصل نيتي ! ! لا تبقي عبيط